کسی قوم یا فرد کی بدترین حالت وہ ہوتی ہے جب اس کی سوچ زنگ آلود ہوجائے۔ سوچ، نظر نہیں آتی، مگر حال اور مستقبل کی تعمیر اور تخریب میں اسی کا ہاتھ کارفرما ہوتا ہے۔ دنیا میں، فرد ہو یا قوم، اس کی سوچ ہی اس کی منزل کا تعین کرتی ہے۔ سوچ نہ صرف باہر کے افعال کا ظہور کرتی ہے بلکہ اندر کی کیفیت بھی بیان کرتی ہے۔ بات قوم کی ہو تو قوم کی مجموعی سوچ ہی اس کے دن رات اور انفرادی و اجتماعی مفادات کو سمت عطا کرتی ہے۔
